სოლო ტაქსონომიის განმავითარებელი შეფასების ინსტრუმენტი

დონე

მოსწავლის ცოდნის დონე

მოსწავლის შესაძლო პასუხი

განმავითარებელი კითხვები/დავალებები

წინსტრუქტურული

მოსწავლე თემაში ვერ ერკვევა; პასუხი არასწორია ან აცდენილია თემას

„ფიშინგი რაღაცა თევზაობასთანაა დაკავშირებული ხო? ზუსტად არ ვიცი“

-გაქვს ოდესმე მიღებული საეჭვო წერილი ან ბმული?
-როგორ ფიქრობ, რატომ არ უნდა დავაჭიროთ უცნობ ლინკს?

უნისტრუქტურული

ასახელებს მხოლოდ ერთ ელემენტს, ავლენს ზედაპირული ცოდნას.

„ფიშინგი რაღაცნაირად ჰაკერობასტანაა დაკავშირებული?“

-როგორ გგონია, რა შეიძლება მოჰყვეს ასეთი წერილზე პასუხს?
-მხოლოდ ელფოსტით ხდება ფიშინგი?

მულტი-სტრუქტურული

ასახელებს რამდენიმე ასპექტს, მაგრამ კავშირი არ ჩანს

„ფიშინგი ხდება ელფოსტით, სმს-ით, ყალბი ვებსაიტებით. შეიძლება მოითხოვონ პაროლი ან ბარათის კოდი.“

-რატომ იყენებენ სხვადასხვა მეთოდს?
-რა აქვთ საერთო ამ ყველა გზას?
-შეგიძლია ჩამოწერო 3 წესი უსაფრთხო ქცევისთვის?

რელაციური

კავშირებს ამყარებს ინფორმაციას შორის, აზროვნებს სისტემურად

„ფიშინგი ხდება ელფოსტით, სმს-ით, ყალბი ვებსაიტებით. შეიძლება მოითხოვონ პაროლი ან ბარათის კოდი.“

-როგორ ამოიცნობ ფიშინგის შეტყობინებას?
-შეგიძლია შექმნა პატარა გზამკვლევი – „როგორ არ გახდე ფიშინგის მსხვერპლი“?

რელაციური

განაზოგადებს ცოდნას, ავითარებს იდეებს ახალ კონტექსტში

„ფიშინგი ციფრული სოციალური ინჟინერიის ნაწილია — ადამიანები არიან სუსტი რგოლები და სწორედ მათ სისუსტეებს იყენებენ ბოროტმოქმედები სასურველი ინფორმაციის უკანონოდ მოსაპოვბლად. ვფიქრობ, სკოლებშიც უნდა იყოს სავალდებულო კიბერუსაფრთხოების სწავლება. მსგავსი ხრიკები შეიძლება გამოყენებულ იქნას  პოლიტიკურ მანიპულაციებშიც“

-როგორ შეიძლება შენი იდეის რეალიზება სკოლაში?
-არსებობს თუ არა ტექნოლოგიური გადაწყვეტა ფიშინგის რისკის შესამცირებლად?
-შექმენი პრეზენტაცია ან ვიდეორეკლამა, რომელიც სხვებს გააფრთხილებს ფიშინგისგან.